SG DEHAI
Träffpunggt am Sunntig isch am 14:30 uff dr Plattform.
Immer witer, immer lüter!
ALLI INS JOGGELI
Am Donnschtig spielt dr FCB e witers mol dehai im Joggeli uff europäischer Bühni. Geege Trabzon hän mir zeigt, dass mir das ganze hän könne dräihe. Drum liggts au jetzt wieder an uns allne, e gueti Usgangslag z schaffe für s Ruggspiel. Lön mr uns triibe vo de Stimme, wo wänn gwinne!
Träffpunggt isch am 18:30 uff dr Plattform.
In dr Pause gits Billet für YB usswärts (U26: 20.-/Ü26: 25.-).
LUZÄRN USSWÄRTS
Sit em Marschverbot ohni Not durch d Polizei Aafangs 2022 ischs rund um d Aa- und Abreis bi unserne letschte Spiel in Luzärn immer wieder unruhig worde. Drvor ischs sit Joore in de allermeischte Fäll zu keine nennenswärte Vorkommnis oder Gfohre für Ussestehendi ko. Mittlerwile hän d Behörde dr vo ihne iigschlageni Wäg als Sackgass erkennt. Sie ermöglige jetzt gemäss Informatione uff ihrer Website e beidsitige Schritt zrugg zunere wie vorhär insgesamt stabile Situation mit ere gröschteteils kanalisierte Aareis mit Extrazug und Fanmarsch.
https://www.stadtluzern.ch/dienstleistungeninformation/9175#faq_7385
Mit em Schritt zrugg zum gmeinsame Marsch vo allne FCB-Fans als bewährtischti Lösig für alli Beteiligte, könne mir am Samschtig wieder zämme vom Bahnhof zum Stadion laufe.
Dr Extrazug fahrt wie folgt:
Basel ab: 17:35
Luzärn aa: 18:47
Prattele: 00:20
Zrugg in Basel: 00:29
Billet gits am Bahnhof vis à vis vom Coop und vor em Gäschteblock (20.-/25.- CHF).