S wird ans Ruggspiel vom Viertelfinal e Carfahrt mit folgende Eggdate gäh:
Abfahrt
Mittwuchoobe, 19. April 2023
Zrugg in Basel
Fritigvormittag, 21. April 2023
Koschtepunggt
120.- pro Person (exkl. Matchticket)
Aamälde
So schnäll wie möglig (vorzugswiis grad als Gruppe) per E-Mail an europa@muttenzerkurve.ch.
Mir träffe uns ab 16:00 uff em Hauptplatz in dr Altstadt (Hlavné námestie). Drnoch gots zämme zum Stadion.
BRATISLAVA
Am Donnschtig spielt dr FCB in Bratislava. Dr Träffpunggt für alli wo dört sin, folgt zumene spötere Zitpunggt. Für alli wo z Basel blibe, het dr Saal am Donnschtig ab em 6i offe und dr Match wird zeigt.
BASEL FAHRT UFF BÄRN
Am Sunntig spiele mr in Bärn geege YB. Dr Zug fahrt wie folgt:
Basel ab: 14:03
Bärn aa: 15:09
Zrugg in Prattele: 20:01
Zrugg in Basel: 20:15
Match-Tickets (Ü26 = CHF 25.- /U26 = CHF 20.-) gits am Donnstig im Saal, am Matchdaag vor Zugabfahrt in Basel am Bahnhof SBB geegenüber vom Coop (dä bim Centralbahnplatz) und vor em Gäschtesektor. S het solang s het!
Zug-Tickets gits am SBB-Automat eso:
1. Weitere Angebote
2. Regionale Spezialangebote
3. Football-Ticket Fan-Extrazug
Mir lön dr Swisspass nid scanne, nimm drum d Kaufquittig mit vo dim Abo mit. Die findsch uff dim Swisspasskonto unter „Rechnungen“.
Kömmet und sagets witer: Basel fahrt uff Bärn!
