SAAL12
Für e Monet züglet d Muttenzerkurve us dr Breiti an Barfi. Dr Saal12 blibt zue, s Intermezzo macht uff und dient in däre Zit als Träffpunggt für alli FCB-Fans und drüber hinus. Zmitzt in dr Stadt gits uff vier Stögg viel z entdegge und z erläbe: Usstellige, Fanartikel oder e kiehls Geträngg.
Sit em Summer 2008 dient dr Versammligssaal im Gebäude vo dr ehemoolige «Bad- & Wäschaastalt Breiti» allne FCB-Fans als Begeegnigsort usserhalb vom Joggeli: Hitzig debattiere, aagregt diskutiere und dräänerich lache über alles, wo die rotblaui Fuessballseel beschäftige dued.
Unabhängig vo Sektore- und Altersgränze stoht drbi d Vernetzig unter de Fuessballbegaischterte im Vordergrund. Vom Bahndamm zum Oberrang, vo de Alte bis zu de Junge: In persönlige Gspröch Vorurteil abbaue und Bindige uffbaue.
Je mee Fans sich beteilige, desto vielfältiger wird d Gmeinschaft.
In unregelmässige Abständ finde allerlei Aktivitäte und Aaläss statt: Vom Podium zum Kino, vom Konzärt zur Usstellig, vo dr Vorfasnacht zum Flohmi.