MIT EM REGELZUG UFF GÄNF
Für s Usswärtsspiel in Gänf am Donnschtig vor em Pfingschtwuchenänd stellt uns d SBB kai Extrazug. Uff s Aagebot vo dr Zürcher Südkurve, dass mir dr Extrazug vo ihne könne übernäh, will mir mit ÖV noch em Spiel nümme heime kömme, het d SBB nid welle iigoo. Mir hätte die unkomplizierti Lösig begriesst und sin au in Zuekunft besträbt, unter usswärts fahrende Fans solidarischi Lösige z finde. Für dr 25. Mai heisst das jetzt aber Regelverkehr statt Extrazug.
Mir nämme dr Zug ab Basel SBB 16:28 uff Gleis 12. Mit däre Verbindig fahre mir zämme zum Stadion. Infos zum Rüggwäg folge zu gegäbener Zit. Alli uff Gänf, Saisonändspurt!
