Uffgrund vo dr hoche Spielfrequänz in de letschte Wuche hets scho länger kei Alass me gäh.
Abr bevor d Spielzit 22/23 beändet wird, mache mir nomol für e klassische Saalon uff, ganz im Zeiche vom Summerstart. Es git Pizza, Aperol und gueti Sounds, alles wo me brucht, zum dr Summer au richtig z begriesse. Schliesse mr die Saison zämme gebührend ab, kömmed zahlrich vrbi!
Mir träffe uns am Mäntig am 14:00 uff dr Plattform. Es wird vor und noch em Spiel e kleini Usstellig zu dr internationale Kampagne gäh. Noch em Match gits zuesätzlig no Ässe, Trinke und Musik.
Zuedäm heds uff dr Plattform e Wüehltisch mit alte Kurveartiggel, wo nüm am Shop verkauft wärde.
La Dolce Vita im Saal 12
Uffgrund vo dr hoche Spielfrequänz in de letschte Wuche hets scho länger kei Aalass me gäh.
Bevor d Spielzit 22/23 beändet wird, mache mir am 2. Juni nomol für e klassische Saalon uff, ganz im Zeiche vom Summerstart. Es git Pizza, Aperol und gueti Sounds, alles wo me brucht, zum dr Summer au richtig z begriesse. Schliesse mr die Saison zämme gebührend ab, kömmed zahlrich vrbi!
Wie mir scho kommuniziert hän, stellt uns d SBB us undurchsichtige Gründ kei Extrazug fürs letschte Usswärtsspiel vo däre Saison zur Vrfiegig.
So sin mir zwunge, mit em Regelzug nach Gänf z fahre.
->Abfahrt 16.28 Uhr, Gleis 12 (Gleisänderige vorbehalte)
Für d Ruggreis gits kei Regelzug me, wo uns nach Abpfiff no uff Basel bringt.
Dorum fahre mir mit em Regelzug bis nach Lausanne und vo dört nämme mir Cär, wo dört parat stön.
D Aakunft am Basel SBB wird ca am 03:00 si.
Zwäggs Übersicht sin mir uff e Aamäldig für e Car vo Lausanne uff Basel aagwise. Mäld di oder dini Gruppe dorum schnällschtmöglig mit em untestehende Formular aa. D Carfahrt kostet 30.-, für Studierendi und Lüt in Usbildig 15.-
Matchtickets gits im Regelzug und vorem Gästesektor. 25.-/20.-
Abwäggslig, Usbruch usem Extrazugalldaag, Saisonändspurt. Los!
ALLI UFF GÄNF!
[wpforms id=“9331″]
