Muttenzerkurve Basel

GENOSSENSCHAFT STADION ST. JAKOB

Dr FCB het in de letschte Joore die gröschte Erfolg sit sinere Gründig dörfe fiire. Grad jetzt, wo dr Verein eso guet do stoht, gilts, d  Institution FC Basel 1893 breiter in der Region abzstütze.

Näbe dr Mitgliedschaft bim Verein sälber kasch als Mitglied vor dr  Gnosseschaft Stadion St. Jakob au di Dail drzue biitrage, dass unseri  Heimat, s «Joggeli», in dr rotblaue Bevölkerig tiefer verankeret wird.

Zämme mit dr IG vo de offizielle Fanclubs riefe mir dorum zur  Mitgliedschaft bi dr «Genossenschaft Stadion St. Jakob» uf. Die 500  Frangge, wo d Mitgliedschaft koschtet, erschine ufe erschte Bligg düür. Dä Bitrag wird aber nur ai Mol erhobe und gilt e Lääbe lang.

S Aamäldeformular gits do als pdf.

ALLI UF ZÜRI (FCZ – FCB, 27.10.)

D Fahrzyte vom Äggstrazug uf Züri für s Uswärtsspiil gege dr FCZ am Sunntig sind bekannt:

Tickets gits vor em Stadion.

TICKETS FÜR BUKAREST USWÄRTS & LIEDTEGGSCHT

Tickets für s kommende CL-Uswärtsspiil in Bukarest vom 22.10. könne am Donnschtig und Fritig jewils ab de 7i für 15.- im Saal bezoge wärde.

Usserdäm ligge im Bauwaage jewils an de Heimspiil d Teggscht vo de neuschte Lieder uff – Mittelfrischtig isch e neus Liederbiechli plant, wo alli aktuelle Teggscht beinhaltet.