EXTRAZUG UF GELSENKIRCHEN
Dr Extrazug isch voll, es wärde keini Aamäldige me entgege gno. (Stand: 28.11. 15:00)
************
Für s letschte Spiel vo dr CL-Gruppephase uf Schalke vom 11. Dezämber 2013 organisiert d Muttenzerkurve die folgendi Extrazug-Reis:
- Abfahrt ab Basel SBB: Mittwuch Morge, 11.12.2013 – ca. 10:00
- Zrugg in Basel: Donnschtig Morge, 12.12.2013 – ca. 08:00
- Fahrzite wie immer ohni Garantie, vor allem beträffend dr Aakunft zrugg in Basel!
- Priis: CHF 200.- (inkl. Matchbillet)
- Aamälde: europa@muttenzerkurve.ch (mit Name und Adrässe)
Damit s bim Iistige kei unnötigs Gstürm git, wärde mr wie die letschte Mol e Waage-Iiteilig vornää. Willsch also sichergo, dass de mit dine Lüt zämme fahrsch, denn mälded euch als Gruppe aa. D Maximalgrössi vonere Gruppe betreit 12 Persone (inkl. AamälderIn). Binere Gruppeaamäldig längt ei Adrässe sowie alli Vor- und Nochnäme.
Noch Bearbeitig vo dr Aamäldig kriegsch e Bestätigungsmail. Genaueri Infos zur Zahlig und Reis folge zumene spötere Zitpunggt.
D Platzzahl isch beschränkt; d Aamäldige wärde in dr Reihefolg vo ihrem Iigang berücksichtigt. Aafroge zu Billet ohni Extrazugfahrt wärde nid beantwortet.
