ALLI IN ROTBLAU ANS CUPSPIEL
Am Sunntig spiele mr in dr erschte Cuprundi geege dr FC Schönenwerd-Niedergösgen. An das Spiel reise mir au optisch ändligg mol wieder in unserne Farbe – ziehnd also euri rotblaue Liibli aa.
D SBB stellt für das Spiel e Extrazug zur Vrfiegig. D Maske nid vrgässe – s gilt im öffentligge Vrkehr witerhin e Maskepflicht.
Abfahrt Basel SBB: 11h54
Aakunft Schönenwerd SO: 12h20
Zrugg in Basel SBB: 17h03
Zugbillet
Für uff Schönewärd lohnts sich e normals Billet z löse und kai Football-Ticket.
Matchbillet
Gits am Sunntig ab 11h15 am Bahnhof geegeüber vom Coop und denn vor em Stadion.
VORFREUD
S Warte het e Änd: Noch rund 1,5 Joor kömme mir haime – zrugg ins Stadion, zrugg in unseri Kurve. E erschts Zeiche geege d Plän vo dr KKJPD (Konferenz der Kantonalen Justiz- und Polizeidirektorinnen und -direktoren), mit dr Pandemie begründeti Massnahme au langfrischtig witerzfiehre, isch gsetzt. Au die vo uns relevante Rahmebedingige rund um d Zertifikatskontrolle, Gäschtesektore und Tescht- sowie Impfmögligkeite sin schwizwit grossmehrheitlig erfüllt und zfriedestellend umgsetzt. Drum hän mir uns drzue entschiede, ab em Spiel geege Ujpest ins Stadion zruggzkehre. Mir bhalte uns aber vor, an gwüsse Spiel situativ dussezbliibe oder Aktione zmache, bsunders bi Stadie, wo d Rahmebedingige nonig stimme. Die witeri Entwicklig wärde mir mit wachsame Auge verfolge und jegliche Versuech vo de Behörde für neui Repressalie geege d Fankurve entschlosse und mit aller Kraft bekämpfe.
Für s Spiel morn Donnschtig träffe mir uns am 5i uff dr Plattform. Tickets sin erhätlig wie immer, abgseh drvoo, dass es kai Obekasse git. Au für das Spiel riefe mir alli FCB-Fans drzue uff, bim Ticketkauf uff d Gratisvariante z verzichte und so dr FCB bim Neustart finanziell z unterstütze.
Informatione zum Cupspiel geege Schönenwerd folge…
UJPEST IM SAAL
Am Donnschtig trifft dr FCB uff Ujpest Budapest us Ungarn.
Für alli wo dehaime blibe, wird s Spiil im Saal zeigt.
Usserdäm gits die neue Saalmitglidschafte zkaufe.
Offe isch ab 18.00.
