YB DEHAI
Noch zwei Heimspiel unter dr Wuche empfange mir am Sunntig YB im Joggeli. Zum uns uff das Spiel iistimme, trifft me sich am 13:00 uff em Barfi. Drnoo laufe mir gmeinsam zum Stadion, wo mir alli gnueg frieh uff unserne Plätz sin, zum d Mannschaft bim Iiwärme nomol richtig heiss mache. Es liggt an uns allne, dass mr d Bärner mit gsänggte Köpf könne heimeschigge!
Noch witere unzählige Arbetsstunde sit dr Eröffnig im Februar 2020, öffnet an däm Spiel s erscht Mol d Dachterrasse vo dr Plattformbar sini Tor.
USSWÄRTSFAHRE MACHT SCHÖN
Am Sunntig reise mir s erschte Mol ins neue Stade de la Tuilière.
Extrazug
Abfahrt Basel SBB: 10h25
Aakunft Lausanne: 12h51
Zrugg in Basel: 19h30
Bitte e Maske aazieh und d Swisspass-Kaufquittig nid vergässe.
Bi de Extrazugbillet gits neu e Einheitspriis vo 29.- (Halbtax) oder 58.- CHF für alli Streckene.
ALLI IM ROTBLAUE TRIKOT – FÜLLE MIR DR GASTSEKTOR
Tickets (15/20.- CHF) wärde uff em Zug und vorem Block verkauft.
Bi dr Zertifikatskontrolle wird in Lausanne zum erschte Mol d Bändeli-Variante zur Aawändig koh:
An de erwähnte Ort in Basel bekunnt me ab sofort – geege s Vorwiise vom Zertifikat – e Bändeli. Das ermöglicht e kompletti rüümlichi, zitlichi und personelli Abtrennig vo dr Zertifikats- und Sicherheitskontrolle. Es wird aber au witerhin an jedem Iigang d Möglichkeit gäh, s Zertifikat vor Ort kontrolliere z loh.
FCB Fanshop St. Jakob
FCB Stadtlaade Schiffländi
TopPharm Apotheke am Barfi und Binnige Dorebach
TopPharm Testzentrum St. Jakob
(Öffnigszite beachte)
Die Bändeli-Variante wird ab sofort vom FCB an jedem Heimspiel aabotte und söll au an allne Usswärtssektore zum Zug koh.
————————
Näggschte Donnschtig wird s Spiel geege Hammarby im Saal zeigt; offe ab 18h00.
HAMMARBY DEHAI
Träffpunkt isch am 17:30 uff dr Plattform.
Wie scho bim Heimspiel gege Ujpest, riefe mir alli FCB-Fans drzue uff, uff d Gratisvariante vom Ticket z verzichte.
