INFOS UMTUSCH CUPFINAL-BILLET

Wär bi uns e Billet kauft het, ka das bi de folgende Glägeheite «umtusche»:

  • Saal12: Donnschtig/Fritig
  • Haimspiel: Bauwage und in dr Pause
  • Usswärtsspiel: Extrazug und im Block

Geege s Vorwiise vom Billet und dr Zahlig vom Differänzbetrag (25.-/10.-) griegt me s offizielle Cupfinal-Ticket. Wär bereits anderschtwitig e offiziells Ticket kauft het, griegt sälbschtverständlig dr gsamti Betrag zrugg. Wie scho bim Verkauf, appelliere mir au bim Umtusch an d Fairness vo de Lüt. S Billet ka me aaschliessend als Erinnerig bhalte.

Mir biete kei offene Verkauf vo Cupfinal-Tickets aa, sondern könne nur däne eins gäh, wo bi uns e Retro-Billet kauft hän und das wänn umtusche.

Alli uff Bärn! Dr Cup ghört uns!

UPDATE CUPFINAL

Geschter isch vom Schwizerische Fuessballverband SFV und de Bärner Behörde dr Kompromissvorschlag koo, dass s Matchticket nid nur füre Extrazug, sondern für dr gsamti ÖV in dr Schwiz zellt, egal vo wo me aareist.

D Koppelig vom Stadioniitritt an d Extrazug-Fahrt entfallt dodrmit und au d Forderig noch ere Ermässigung wird zumindescht im Fall vom disjöörige Final zumene gwüsse Grad erfüllt. Für uns isch das zwar nid die perfäggti Lösig, kunnts doch au so immer no zu unfaire Konstellatione (zB für Cupfinal-Bsuecher us Bärn, wo d Aareis fascht komplett wägfallt). Bedänggt me aber zuesätzlig die feschtgfahreni Situation zwei Wuche vor em Spiel, isch es für uns e gangbare Wäg, denn au für d Zuekunft hän mir einiges könne bewege. Dass d Priise für das Joor grad au hisichtlig Ermässigunge nüm könne aapasst wärde, könne mir verstoh, het doch dr FC Thun scho aagfange, Tickets z verkaufe. Dr SFV het uns geegenüber aber kommuniziert, dass är bereit isch, die künftigi Priispolitik z überdängge.

Mir stoppe dorum dr Verkauf vo unserne aigene Billette und dr Uffruef zum Boykott vo de Extrazüg.

Au in Zuekunft wärde mir d Priisentwicklig – nid nur im Cup – beobachte und uns für bezahlbari Iitrittspriise iisetze.

Infos zum Umtusch beziehigswiis zum Bezug vo de offizielle Matchtickets folge an däre Stell und so schnäll wie möglig.

Alli uff Bärn! Dr Cup ghört uns!

VERZELL EMOL…

 

Dr Ruedi Zbinden wird morn leider nid in Saal könne koh, drfür diversi Spieler uss dr 1. Mannschaft. Stimme mr uns zämme uff die näggschte Spiel ii.

Usserdäm: Tickets für dr Cupfinal und Pizza us em Holzoofe.

Offe ab de 6i

FANARTIKEL

Mir verkaufe unseri Fanartikel bim Bauwaage uff dr Plattform. Aafroge per Mail wärde nid beantwortet.

KURVE-SMS

GRUPPE START MUTTENZERKURVE an 9292

Köschte: 20 Rappe pro Nochricht sowie für s Aa- und Abmälde.

KONTAKT

info@muttenzerkurve.ch

PC 40-397037-2
Muttenzerkurve
4000 Basel