Muttenzerkurve Basel

WINTI DEHAI

BASEL GEEGE LEUKÄMIE
Ab 14:00 lauft uff dr Plattform Basel geege Leukämie 3.0. Kumm vrbi und loss di typisiere.

SCHREYHALS
Rund ums Stadion gits dr Schreyhals #79.

MATCHBILLET LAUSANNE
In dr Halbzit wärde Tickets für s Usswärtsspiel im Waadtland verkauft (Studi/IV/AHV: 20.–, Vollpriis: 25.–).

FCB–MUSEUM
Dr FCB bekunnt e neus Museum. Grad hinterm Joggeli entstoht e Ort für Diskussione, Usstellige und Begegnige. Es fählt nümme viel, bis dr Uffbau vom Museum finanziert isch. Doch für die letschte 2% bruchts nomol Unterstützig vo dr Basis.
Zum s Projäkt über d Ziellinie bringe, kasch am Samschtig an allne Iigäng e neue, limitierte Schal kaufe (ab 20.–). Dr Gwünn goht vollumfänglig an s Museum. Falls du s Museum sunscht no möchtsch unterstütze, findsch alli Infos unter fcb-museum.ch