LUGANO USWÄRTS
Dr Extrazug (29.-) fahrt wie folgt:
Basel ab: 11:05
Lugano aa: 15:03
zrugg in Basel: 23:06
Billet (20.-/25.-) für s Spiel gits am Bahnhof vis à vis vom Coop sowie vor em Block.
IN EUROPA KENNT UNS JEDE
BRATISLAVA DEHAI
Träffpunggt für s Heimspiel geege Bratislava isch am 18:30 uff dr Plattform. Holemr die näggschte drei Pünggt und feschtige dr erschti Platz.
ALLI INS JOGGELI!
BRATISLAVA USWÄRTS
Dr Extrazug isch voll. Es wärde keini Aamäldige mee entgege gno.
Für alli wo nid mitm Extrazug mit uff Bratislava reise, ischs ab sofort möglich Billet für CHF 17.- bim FCB z kaufe.
Slovan Bratislava isch verpflichtet vo allne Käufer Vorname, Name, Geburtsdatum und Adrässe uffznäh.
Was nid heisst, dass ihr nid euri Grossmueter odr eure Nochber könnet verbischigge, wo für euch und euer ganzes Grüppli Billet kauft. Me ka pro Person au mehreri Billet bezieh.
S ISCH SAMSCHTIG ZNACHT
Träffpunggt für s einzige Heimspiel an eme Samschtigobe in däre Hiirundi isch am 15:30.
DU BISCH NID ELAI!
Um unseri lebändigi und wildi Fankultur z lääbe und z bewahre, bewege mir uns ab und aa au usserhalb vo de gsellschaftliche Norm. Leider fiehrt das für einzelni Persone zu enorme Buesse, wo elaige nid z bewältige sin.
Us däm Aalass wärde vor und noch em Spiel divärsi Würscht vom Grill verkauft – nochem Spiel wirds zudäm no e Caipi-Stand gäh. Es lohnt sich also e Batze drbi z ha.
Immer Vorwärts Muttenzerkurve!