VIELSITIG EINZIGARTIG | FILMPREMIERE
Am 23. Novämber findet d Premiere vo vielsitig einzigartig in dr Muttenzerkurve statt.
Dr Film luegt zrugg uff s vergangene Joorzähnt zwüsche 2013 und 2023, wo für dr Verein und uns Fans glichermasse vo Useforderige und Abentüür prägt gsi isch.
Plattformbar 18:00
Türöffnig 19:00
Filmstart 20:00
Billett gits für 15 Frangge.
Termin Vorverkauf
21. Oktober | Plattform
26. Oktober | Saal12
27. Oktober | Saal12
5. Novämber | Plattform
D Aazahl Plätz isch limitiert – es het, solang s het.
VIELSITIG EINZIGARTIG
[arve url=“https://vimeo.com/867800379″ /]
130 JOOR: LOOS EMOL
Z Fuess über Balsthal uff Niederbipp bis an Cupfinal. Asado mit Delgados in Buenos Aires und was es mit em Parkplatz in Schönbiehl uff sich het. Worum dr Aleksandar Dragović noch em Double 2012 vom Bundesrot in Bärn empfange worde isch und wie dr Peter Knäbel vom erschte Träffe mit em Yann Sommer vrzellt.
Dääglig wärde uff 130joor.ch und Spotify bis zum 15. Novämber persönligi Gschichte vröffentligt, wo vo Erläbnis vo de unterschiedligschte Lüt usem FCB-Umfäld vrzelle. Hesch gwüsst, wies in dr huuseigene Wöscherei vom FCB usseht, worum dr Behrang Safari nur dangg em Internet uff Basel gfunde het und was em Fan usem Bahndamm ganz bsunders in Erinnerig blibe isch? Find use, was dr FC Basel sit 1893 für Gschichte schribt und loos dri in 130 Joor FCB.
[arve url=“https://vimeo.com/871766234″ /]
