[arve url=“https://vimeo.com/887593013″ /]
Am Sunntig rund um s Heimspiel geege St. Galle isch dr neui Film im ganze Stadion erhältlig. S git kei fixe Priis, sondern es gilt «me git, was me wott».
Alles zum Film und de wiitere Verkaufsstelle:
Nach dr Filmpremiere am Donnschtig muess d Kurve für dr Sunntig wieder vo de Stiehl befreit wärde. Mir träffe uns für das am Fritig ab 17:00 in dr Kurve – iinekoo durch s Marathontor. Dr Saal blibt am Fritigoobe zue.
Träffpunggt uff dr Plattform am Sunntig isch am 14:00. Nach em Match wärde bim Container Kaländer (12.-) fürs 2024 verkauft.
Vorwärts FCB!
Am kommende Donnschtig findet d Premiere vom Film vielsitig einzigartig statt, wo uff die letschte 10 Joor mit dr Muttenzerkurve an dr Site vom FCB zruggluegt. E Joorzähnt voller epische Spiel, bittere Momänt, grosse Dräum und kleine Blessure.
Für die, wo no kei Billett hän, gits vor Ort e Oobekasse (15 Frangge).
Plattformbar 18:00
Türöffnig 19:00
Filmstart 20:00
Dr Film goht 90 Minute und wird ohni Pause zeigt.
Uff dr Plattform kaa me sich bi Suppe und Glüehwyy uffwärme. Im Unterrang sin d Sitz dinne und in dr Kurve isch alles erlaubt, wo warm git.
