HALBFINAL IN FLORÄNZ
Mir biete e Carfahrt und – bi gnueg Aamäldige – e Charterflug aa.
UPDATE NIZZA
Trotz allne Bemiehige und Hoffnig bis z letscht isch jetzt leider dr Grichtsentscheid geege uns gfällt worde.
Mir träffe uns drum ab em Nomidaag in Sanremo (IT) und verfolge dört zobe zämme dr Match.
Rot dr leeri Gäschteblock – blau die ewigi Treui
NIZZA
Wie dr FCB bereits kommuniziert het, bestoot trotz Iireisesperri no e Chance, dass das vor Gricht imene Schnällverfahre kippt wird – allefalls sogar am Matchdaag sälber. Die rächtlige Schritt für das sin iigleitet und es git Präzedänzfäll, wo Fans in Vergangeheit gwunne hän.
Im Fall dass FCB-Fans verbote blibe, luege mir alli zämme dr Match in dr näggscht grössere Stadt usserhalb vo dr Verbotsgränze. Dr Träffpunggt drzue würd do no folge, kunnt aber hoffentlig nie.
Au allfälligi witeri Updates folge do.
Lön mir uns dä Viertelfinal im Europacup nid näh. Alli zämme, immer witer!
PS: D Carfahrt findet wie plant statt und wird nid in Konflikt ko mit de behördlige Ufflage. D Informatione zum Abfahrtsort und -zit sin geschtert Oobe per Mail verschiggt worde (lueget allefalls au in eurem Spam-Ordner). Wär trotzdäm Froge het: europa@muttenzerkurve.ch.