Besammlig am Sunntig (21. Juli) isch 13.00 bim Glais, dr Extrazug fahrt 13.36 ab.
Tickets für s Spiel wärde erscht vor em Block bim Letzi verkauft.
Zrugg isch dr Zug 19.29 (in Prattele) bzw. 19.43 (z Basel).
Alli relevante Informatione zu bevorstehende Spiel wärde laufend au im Kaländer uf dr rächte Site aazeigt.
Nach dr würdige Saal-Wiedereröffnig mit massig Sunne, Volk und Weize-Rekordabsätz in dr Breiti gohts grad witer:
Wie immer kaa me am Donnschtig und Fritig ab de 6 im Saal iikehre, diskutiere, kritisiere, philosophiere und dummschwätze. S git ainiges z entdecke, s Aagebot an dr Bar isch wäsentlig vielfältiger, und mit em neu gschtaltete Usseberich kömme au alli Sunnesüchtige uf ihri Köschte.
Am kommende Fritig, 19. Juli, wird d Usslosig vo dr CL-Quali im Saal zaigt. Offe isch abem 12i am Mittag.
