Wie s dr Zuefall will, träffe mr im EL 1/16-Final eimol mee uf Maccabi Tel Aviv, s Hispiil findet am 20. Februar in Israel statt.
Vo unserer Site gits kei organisierti Reis, sueched & bueched sälber, dr Kreativität sind wie immer keini Gränze gsetzt!
Am Samschtig, dr 11. Jänner 2014, lömmr im Saal 12 e altrömischi Tradition wieder ufferstoo: S findet s allererschte Mol e unverglichligs Kräftemässe statt.
Die teilnähmende Zweierteams wärde sich in ere Vielzahl vo Diszipline mässe.
Kraft, Gschiggligkeit sowie Gaischt wärde bis ufs Üsserschte gforderet sii.
In de verschiedene Wettkämpf trätte immer zwei Teams in ere Best-Of-Three Serie gegenand aa.
Aamälde mit Teamname und Name vo de teilnähmende Persone per Mail an brotundspiele@muttenzerkurve.ch oder per Zeedel in d Dyyblibox.
Aamäldeschluss 31.12.2013 / Startgebühre CHF 50.00
S wärde keini Troschtpriise verteilt.
Für e Cup-Viertelfinal in Le Mont stoot e-n-Extrazug mit de folgende Fahrzite parat:
| Basel SBB | 15:45 |
| Lausanne | 18:10 |
| Lausanne | 22:30 |
| Lieschtel | 00:25 |
| Prattele | 00:32 |
| Muttenz | 00:37 |
| Basel SBB | 00:43 |
Wäge dr spote Aakunftszit haltet dr Zug bi dr Ruggfahrt au in Lieschtel, Prattele und Muttenz. Tickets gits im Zug und bim Stadion.
