INTERNET & SOZIALI MEDIE
Im Internet finde sich immer wieder Ufftritt, wo sich in irgend ere Form an dr Muttenzerkurve bediene. Unter anderem exischtiert e unübersichtligi Aazahl an Gruppe und Kanäl, wo Informatione und Uffrief verbreite und drzue nid sälte s Logo oder anderi Symbol vo dr Muttenzerkurve verwände. Drmit wird e Nöchi suggeriert, wo so nid vorhande isch.
Mir hän uns em Stadion verschriebe und wärde au in Zuekunft dr Mythos vo dr Muttenzerkurve bewahre. Das bedütet nid, dass mr uns modärne Kommunikationsmittel verschliesse. Aber: Unseri Konzentration gilt de Aktivitäte uff de Stehrampe vo de Stadie und mir nutze s Internet dört, wo s uns dient: Als Plattform für Informatione rund ume Matchdaag, offizielli Publikatione und Stellignahme sowie zur Aakündigung vo Aaläss rund um unseri Bewegig. Über d Form entscheide mir je nach Zwägg; momentan isch muttenzerkurve.ch die ainzigi vo uns betriebeni Site.
Alli andere, vo Drittpersone betriebene Plattforme, Gruppe, Kanäl und sunschtige Netzwärk hän kai Bezug zur organisierte Muttenzerkurve und handle nid in ihrem Interässe.