QUALIFIKATION
Unabhängig drvo, welli Mannschaft sich zwüsche Lech Posen und FK Sarajevo duresetzt, organisiere mir e Carfahrt in dr letschte Juliwuche in die entsprächendi Stadt. Witer Infos folge, sobald dr Gegner und s Datum klar sin.
LEVERKUSEN
S stoot jedem frei, s bevorstehende «Teschtspiel» geege Leverkusen – wo im Zämmehang mitem 10-jöörige Jubiläum vo dr Bayer HealthCare in Basel stattfindet – z bsueche. Mir wärde an däm Daag nid als organisierti Fanszene uffträtte.
DR SAAL IN DR SUMMERPAUSE
Dr Saal het bis uff Witeres wäge Umbauarbete zue. Sötter usnahmswiis offe ha, wird das über die gängige Kanäl kommuniziert.