FAHNEDAAG IM JOGGELI
E glaine Fuessball- oder FCB-Fan in dr Familie? Denn bietet sich am Samschtig, 31. Auguscht vo 11:00 bis 18:00 d Glägeheit, s rotblaue Fuessballfieber an die näggscht Generation witerzgäh.
Mir vo dr Muttenzerkurve Basel organisiere e grosse «Fahnedaag» im Joggeli und hälfe dört, Kinder und Jugendlige ihri aigeni FCB-Fahne z gstalte. Schniide, moole, näihe und sich zwüschedure uff em Streetsoccer-Fäld oder bim Goolwandschiesse ustobe.
Dr Aalass isch unentgältlig und für s liiblige Wohl wird zu koschtegünschtige Priise gsorgt. Es empfiehlt sich, Kleider aazlege, wo dräggig dörfe wärde. Wär e T-Shirt will bemoole, söll e wisses vo dehaime mitnää. Dr Fahnedaag findet bi jedem Wätter statt und isch rägesicher.
In d Agända iitrage und witersage! Und wär weiss, villicht luegt no dr aint oder ander FCB-Spieler vrbii!?
