[arve url=“https://vimeo.com/628831662″ loop=“no“ muted=“no“ /]
Mir wärde dr Match alli zämme könne luege.
Extrazug
Abfahrt z Basel: 11:04
Aakunft z Sion: 14:31
Zrugg in Basel: 23:06
Maske aazieh und d Swisspass-Kaufquittig nid vrgässe.
Uff d Saison 2021/22 het dr FC Sion uffgrund vo Ufflage us dr Politik dr Gäschtesektor im Tourbillion gschlosse und bietet für dr Räscht vom Stadion nur no personalisierti Tickets für zuegwieseni Sitzplätz ah. Die Massnahme wärde mit erhöhter Sicherheit im Stadion begründet, was wiederum zu höchere Zueschauerzahle fiehre söll.
Mir kämpfe scho sit Joore entschlosse geege personalisierti Tickets und so d Deanonymisierig vom Matchbsuech, wo druff abzielt, die wilde Elemänt uff de Räng z bekämpfe. Die Massnahme träffe alli, verhindere e spontane Matchbsuech und unterbinde d Durchmischig vo dr Fangmeind. Am Schluss raube sie eme Stadion d Atmosphäre. So hän sich sit dr Ifiehrig vo personalisierte Tickets d Zueschauerzahle in Sion halbiert.
Die Massnahme, wo jetzt in Sion Realität sin, liege bi dr KKJPD (Konferenz der Kantonalen Justiz- und Polizeidirektorinnen und -direktoren) scho sit längerem wieder emol uff em Tisch. So hän sie in däm Joor offe zuegäh, dass im Herbscht drüber diskutiert wird, welli Massnahme au noch dr Pandemie witergfiehrt wärde.
In dr Vergangeheit hän mir scho mehrmols vor Massnahme gwarnt, wo durch d Hintertür vo dr Pandemie könnte iigfiehrt wärde. Die repressive Vorgobe vo de Walliser Behörde gilts witerhin mit aller Härti z bekämpfe. Mir riefe dorum alli FCB-Fans drzue uff, am Sunntig, 17. Oktober uff Sion z reise und zämme e Zeiche geege die sinnlose Massnahme z setze!
Infos zu dr Aareis, wie au em detailliertere Daagesablauf folge.
Stöön mr zämme für unseri Farbe und die Beweegig yy.
ALLI UFF SION
D Noochbstellig vom Liibli isch do!
Am Sunntig gits am Heimspiel geege dr FC Luzärn e Verkauf im ganze Joggeli. Diräggt hinter em Yygang zu jedem Sektor wirds d Mögligkeit gäh, e Liibli z kaufe. S koschtet 30 Frangge und dr gsamti Erlös goht an Verein FC Basel 1893.
