Bis jetzt isch näbe dr Homepage s Kurve-SMS via 9292 dr einzig Kommunikationskanal vo dr Muttenzerkurve gsi. Will dr SMS-Dienscht in de vergangene Joor aber mee schlächt als rächt funktioniert het, stiige mir ab jetzt uff Telegram um.
Unter folgendem Link blibsch am Ball bi allem, wo rund um d Kurve lauft.
https://t.me/muttenzerkurve
Billet (20.-/25.-) für Winterthur gits am Fritig im Saal und am Samschtig im De-Wette Pärkli. Dr Räscht wird vor em Block verkauft.
Am Mäntig 18.7. mache mr unseri Kurve parat für s erschte Heimspiel vo dr neue Saison: s wird inegstuehlt ab 17:30!
Am Samschtig, 16. Juli stoht mit em Spiel uff dr Schützewiese s erschte Saisonspiel a. E Gegner wo nach 37 Joor wieder zrugg in dr höggschte Spielklass isch. Grund gnueg zum sich jetzt scho das Datum iischribe.
Bis am Donnschtig, 30. Juni lauft e Aktion, wo me für 4 Persone (mit Halbtax) für 80.- e Tageskarte für s ganze Zugnetz ka löse. Unter folgendem Link findsch die genaue Infos: TAGESKARTE.
Bim Kauf vom Ticket muesch s entsprächende Datum vom Spieldaag uswähle.
Für folgendi Spiel lohnt sich dr Kauf:
SA. 16.07.22 | WINTERTHUR – FCB
SO. 28.08.22 | FCZ – FCB
Genaueri Infos zum Extrazug uff Winterthur folge.
Mobilisieret euer Umfäld und starte mr gmeinsam in die neui Saison.
VORWÄRTS FCB!
