Archive for Juli, 2015

ALLI MIT DR FCB-FAHNE INS JOGGELI

fcbfahne

 

Am Samschtig, 1. Auguscht stoot s zweite Heimspiel vo dr Saison gege Sion aa. Zum däm Match e spezielle Rahme verleihe sind alli drzue uffgruefe, Fahne mitem FCB-Logo ins Joggeli mitznäh. Egal ob klei, gross, gmoolt, kläbbt oder gnäiht – alli mitnäh und uffhängge, schwängge oder uffeheebe.

Witersage und dr Uffruef verbreite!

SAAL WIEDER OFFE & ZUG GC

Nachere zweite Umbauphase über d Summerpause öffnet dr Saal am Fritig, 24. Juli, wieder sini Türe. Offe isch wie gwohnt ab de 6i.
D Saal-Mitgliedschaft für d Saison 15/16 gits für 12.- an dr Bar; sie muess zwingend glöst wärde. E usfiehrligs Programm für die näggschte Wuche folgt in Kürzi.

Am Samschtig stoot s erschte Uswärtsspiel vo dr Saison aa, dr Extrazug fahrt zu folgende Zite:

Basel SBB
17:10

Züri Altstette
18:14

Züri Altstette
22:08

Prattele
23:13

Basel SBB
23:21

Tickets (25.-/20.-) gits am Fritig im Saal,

CARFAHRT POSEN / 28.-30.7.2015

Abfahrt isch in dr Nacht vorem Spiel; zrugg isch me am Nomidaag nochem Spiel.

Köschte plusminus 200 Frangge exkl. Matchbilljie.

Aamälde via europa(a)muttenzerkurve.ch mit Vor- und Nochname vo allne Mitreisende.

**D Platzzahl isch begränzt und d Aamäldige wärde chronologisch berücksichtigt**