DR GAISCHT VO ST. JAKOB

Wenn d Kurve bim Singe vo Lieder oder em Zaige vonere Choregrafie zunere Einheit verschmilzt, denn passierts: Us ganz viele unterschiedlige Charaktere entstoht e grosses Ganzes mit ere enorme Kraft. Grad, wenn s unserem Verein emole nid eso sött laufe, isch es s Wichtigschte, witer dra z glaube und dr FCB mit Härzbluet und Stimmkraft vorwärts z triibe.

Wenn die rotblaue Spieler s Fäld beträtte, denn sölle sie en höre, spüre und seh. Eine, wo scho sit eh und je drbi isch und wo für immer und e Daag wird bliibe: Dr 12. Maa.

Wie ne Gaischt schwäbt är über dr Kurve, über em Joggeli, dr Brüglinger Ebeni. Är isch nit fassbar, me wird en nie könne erforsche und kai Artikel in der Zitig wird en je könne erkläre. Vo Spieldaag zu Spieldaag beseelt är dr Kopf, d Stimmbänder und s Härz vo unzählige Fans im Stadion. Är isch e Überzügig, e Mentalität – e Lääbensgfühl.

Wenn du dr Gaischt vo St. Jakob in dir draisch, denn gib Sorg zuenem und wird em grächt. Wär en nid sälber erlääbt, wird das Gfühl nie verstoo.

FANARTIKEL

Mir verkaufe unseri Fanartikel bim Bauwaage uff dr Plattform. Aafroge per Mail wärde nid beantwortet.

KURVE-SMS

GRUPPE START MUTTENZERKURVE an 9292

Köschte: 20 Rappe pro Nochricht sowie für s Aa- und Abmälde.

KONTAKT

info@muttenzerkurve.ch

PC 40-397037-2
Muttenzerkurve
4000 Basel