KONTAKT

MAIL
info@muttenzerkurve.ch

PGP-Fingerprint: 92A4 62E8 F0CA 3AD6 4E1E 9A8D 5646 CF07 C848 CED8
Download Public Key

SPÄNDE
IBAN: CH35 0900 0000 4039 7037 2
Muttenzerkurve
4000 Basel


RÄCHTSHILF

Mir unterstütze FCB-Fans im Umgang mit Behörde, Polizei und Justiz. Wär im Zämmehang mit em Bsuech vo Fuessballspiel betroffe isch, söll sich mälde:

recht@muttenzerkurve.ch
PGP-Fingerprint: 38B0 0504 EDB0 282F FB7C E89C B83C 36FF B597 06A3
Download Public Key


TELEGRAM

Regelmässigi Infos rund um Aaläss, Spiel, Träffpünggt und Sunschtigs in und um d Kurve.
https://t.me/muttenzerkurve

 

INTERNET UND SOZIALI MEDIE
Im Internet finde sich immer wieder Ufftritt, wo sich in irgend ere Form an dr Muttenzerkurve bediene. Unter anderem exischtiert e unübersichtligi Aazahl an Gruppe, Kanäl und Persone, wo Informatione, Bilder und Uffrief verbreite und drzue nid sälte s Logo oder anderi Symbol vo dr Muttenzerkurve verwände. Drmit wird e Nöchi zur Muttenzerkurve suggeriert, wo nid bestoht.

Mir hän uns em Stadion verschriebe und wärde au in Zuekunft dr Mythos vo dr Muttenzerkurve bewahre. Das bedütet nid, dass mr uns modärne Kommunikationsmittel verschliesse. Aber: Unseri Konzentration gilt de Aktivitäte uff de Stehrampe vo de Stadie und mir nutze s Internet dört, wo s uns dient: Als Plattform für Informatione rund ume Matchdaag, offizielli Publikatione und Stellignahme sowie zur Aakündigung vo Aaläss rund um unseri Bewegig. Über d Form entscheide mir je nach Zwägg; momentan isch muttenzerkurve.ch die ainzigi vo uns betriebeni Site. Drzue ergänzend gits als Kommunikationskanal folgende Telegram-Kanal: https://t.me/muttenzerkurve.

Alli andere, vo Ussestehende betriebene Plattforme, Gruppe, Kanäl und sunschtige Netzwärk hän kai Bezug zur organisierte Muttenzerkurve und handle nid in ihrem Interässe.