DANGGE OTTI
Dr langjöörigi Stadionsprächer Otto Rehorek isch am 28. Juli im Alter vo 94 Joor in dr Aawäseheit vo sine nöggschte Aaghörige friedlig ihgschlofe. Mit sinere Stimm und sim Humor het är unzähligi FCB-Fans begleitet. Dr folgendi Värs hän mir no im vergangene März aalässlig eme Fescht füre Markus Vogel uffzaichnet. Dr Markus, sälber joorelang Präsident vom Fanclub Bebbi, het sich anno 1972 mit Glichgsinnte an de neue, orange (!) FCB-Liibli gstört. Zämme hän sie dr Otti bätte, e kritische Värs im Stadion z verläse. Dr Vereinsvorstand het das aber nid goutiert.
Hüt Oobe – über 40 Joor spööter – sin die Ziile doch no durch s Joggeli erklunge. An dääre Stell hän alli nomol d Möglichkeit, s Värsli z loose.
(Die ganzi Anekdote zu de orange FCB-Liibli und em Värs hän d Macher vom Buech «Erfolg isch nid alles im Lääbe» läsenswärt recherchiert.)
Comments are closed.